උදේ 4ට පමණ පෑලියගොඩ මූලස්ථාන පරීක්ෂක ධර්මසිරි වීරකෝන් ප්‍රමුඛ පොලිස් කණ්ඩායමක් විසින් අත්අඩංගුවට ගැනීම 

මා අත්අඩංගුවට ගන්නාවිට ගන්නාවිට එම නිවසේ 

ජේ.එස් ජයවික්‍රම  

පොලින් ජයවික්‍රම  

ඇන්ටන් ජයවික්‍රම  

බොලොසවි ජයවික්‍රම හා 

නීලාවතී ජයවික්‍රම යන අය එහි සිටියා. 

මා ජිප් රියක නංවාගෙන  පලමුවෙන්ම වත්තල පොලිසිය ට ගෙනගියා. 

එහිදී පොලිස් පරීක්ෂකවරයා මගෙන් පොක්ෂ් බාගන් රථය තිබෙන්නේ කොහේදැයි ඇසුවා. 

මම එය නොදන්නා බව කීවා. 

නැවත මම එම ජිප් රියේ නංවාගෙන කදානේ රංජිත් සිල්වාගේ ගෙදරට ගෙනගියා.ගෙය බදුගත් පුද්ගලයා මමදැයි රංජිත් ගේ පියාගෙන් ඇසූ විට ඔහු ඔව් කීවා. 

නැවත මා ජිප් රියට නංවාගෙන කොටුව රහස් පොලිස් මූලස්ථානයට ගෙන ආවා. 

මම ධර්මසිරි වීරකෝන් සමග තරප්පුපෙල නගින අතර මගදී පී . වර්ණකුලසූරිය තවත් නිලධාරීන් කිහිප දෙනෙකු සමග තරප්පුපෙල නගිමින් සිටියා. ඕ හට තදින් පහර දී තිබෙන බව පෙනෙන්නට තිබුනා ධර්මසිරි වීරකෝන් වර්ණකුලසූරිය ට මා පෙන්වා මෙයා හදුනනවාදැයි ඇසුවා  

එක දවසක් දැක තිබෙන බව ඔහු යටහත් පහත් ලෙස කීවා.  

ධර්මසිරි වීරකෝන් මා සහකාර පොලිස් අධිකාරී හයිඩ් සිල්වාගේ  (E.6) කාමරයට ගෙන ගියා. මා එහි යනවිට සහකාර පොලිස් අධිකාරී හයිඩ් සිල්වා පෑලියගොඩ එවකට ඒ . එස් . පී චෙරිල් පොලිස් පරීක්ෂක ජෙගනාදන් , ශ්‍රර්නි විජේසූරිය හා තවත් පොලිස් නිලධාරියෙක් එහි සිටියා. 

ඔවුන් සියලු දෙනා එකතු වී උදේ 8.30 පමණ වන තුරු මගෙන් ප්‍රශ්න කලා.ඉන්පසු මා කාමරයෙන් බැහැරව උප පොලිස් පරීක්ෂක වරයකුගේ රැකවරණය යටතේ තැබුවා. 

 උදේ 9 ට පමණ උපාලි සෙනෙවිරත්න පැමිණ මගෙන් නම ඇසුවා.මම නම කී විට ඔහු යන්නට ගියා.ඔහු තව ටික වෙලාවකින් ෆයිල් එකක් රැගෙන ආවා නරාවල බී එම් ගුණදාස නැමැත්තෙක් දුන් කටඋත්තරයක මා ගැන සදහන් වී තිබුනා.ඔහු ඒ ගැන මගෙන් ප්‍රශ්න කලා. 

ඉන්පසු ඔහු මා කේ එස් ද සිලවාගේ කාමරයට ගෙනගියා.කේ එස් ද සිල්වා මා හට ඉදගන්නටයැයි කී විට මම ඉදිරියේ තිබෙන පුටුවකින් ඉදගත්තා මට බිම ඉදගන්නා ලෙස උපාලි සෙනෙවිරත්න අසභ්‍ය ආකාරයෙන් නියෝග කලා.කේ එස් ද සිල්වා මගෙන් ටික වෙලාවක් ප්‍රශ්න කලා. 

දවල් කාලයේ විටින් විට විවිද නිලධාරීන් මගෙන් ප්‍රශ්න කලා හයිඩ් සිල්වා මහතා හවසත් මගෙන් ප්‍රශ්න කලා. මා සියල්ලම කියා තිබෙන්නේය යන්නෙන් යන්නෙන් ඔහු සිතා ඒ ගැන තෘප්තිමත්වයි සිටියේ. 

හයිඩ් සිල්වා මහතාගේ නියෝගය පරිදි රාත්‍රී 9.30  ට පමණ හයිඩ් සිල්වාගේ කාමරයේදීම සාජම් සමරකෝන් 3207 මගෙන් කටඋත්තරයක් ටයිප් කරගනු ලැබුවා. ඒ අවස්ථාවේ හයිඩ් සිල්වා මහතාත් එහි සිටියා. 

එලිවන යාමේ එය අවසන් කලා